Feb。2015。About Season's Greetings

Happy Lunar New Year！大年初一祝大家羊年進步！身體健康^^真係好耐無寫Blog，新工作好忙(做咗年幾，都唔算新，哈哈，不過性質同之前分工一樣，我都好習慣！)。雖然每星期有2日假，但放假又忙住去飲飲食食+Shopping，簡單黎講，我懶到出汁，加上唔慣和唔識得用這個Google Blog，所以無寫一排， 哈哈！Anyway，如果我有心機，希望繼續update&追返之前年半的空白，嘻嘻！睇圖都知我依然喜歡食野，搞下nail color，大致上無mud特別，成日講扮靚同美食，大家會否好悶，哈哈！寫寫下又好似識得用咁，我再唔係電腦白癡啦(自以為law)！

PS*好多謝
Wong Cindy 搵返我 and

Kenji Chan

 叫我update Blog，
失魂貓 同我講Merry Xmas，雖然已經係2013/12的事，哈哈！我講出黎都唔好意思ar^^但都好感動！

 

 

 

 

Aug。2013。About Cosmetics




話說Sep會返新工，天大藉口去Shopping，買新衫買新化妝品買新手袋，其實呢！Emily小姐，你份工唔洗扮咁靚架wo，普通連身裙甚至斯文d既T-shirt都可以，唔穿jeans就OK啦，扮咁靚未必有觀眾架！雖然經過自我反省，但唔知點解都買到好HIGH，停唔到既？首先，介紹下Ni推薦既Giorgio Armani，某日我地一行三人，Em，Ni和Vi，奮戰了接近三小時，成功Join埋VIP+開埋Facial Course先肯走人，我返屋企再深切反省，之後又參加埋化妝班，又要講多次，我返工只係勁hea咁化妝，咁仲學人去化妝班，係law，我會再反省！

見到咁靚既Set，心癮難耐law，買買買，右上角見唔見到我做Facial前小露香肩既Sexy Look呢？嘻嘻！Armani既Facial Room真係好黑，可能要配合黑曜石修護系列，我估咋！不過最正係d雀鳥聲，平時做Facial最多有古典音樂，但Armani有河流生態既水聲+雀鳥聲，我勁想錄低之後回家做催眠曲。

曾幾何時，我覺得自己好專一，講緊香水，因為我用咗雞毛既某一款香水八年啦，點知羊羊介紹咗Jo Malone俾我，搞到我心思思，最抵C就係她遠在曼谷都記掛著我買唔買JM香水，咁我就叫羊羊幫我買咗一盒特別版，The Story Of Rose，聽個名就知幾正，噴咗一次之後，我投降啦！移情別戀係E家既世代好平常law，明顯自我安慰+陶醉ing！



除了化妝品，Emily小姐仲好鍾意玩手指甲，指定用Paul&Joe，連出去搵人修甲都自備指甲油，問你服未？

之前買咗好多指甲Stickers，係咪好得意呢！除了自己用，仲送咗d俾人，毒害大家！




學人畫眼線已經好多年，不過一直都無進步，用過好多隻牌子既眼線筆，好多時畫完15mins已經nut落下眼睫附近，包括上面E支Bobbi都麻麻地，大家有無好介紹？

 

 

Aug。2013。About Dining


  
 

整個Aug放大假，生活糜爛，日日飲飲食食，約朋友行下街，食下午茶又一日，某日Tam請我地去咗中環太子大廈享受Afternoon Tea，love you so much！


 
       

同一日食完TEA仲唔夠，行兩步去咗文華東方買Cake俾朱小姐，包裝近乎完美既文華蛋糕，價錢同Starbucks差不多，只係size細少少咁啦，味道一流，大家一定要買黎試試呀！

    




Tonkichi既炸物有幾正相信唔洗我講大家都知，尤其炸蠔，加上香滑到你唔信既日本珍珠米令我印象難忘！

    

 


有一日係瑪莎買咗個檸檬蛋白批，幾十蚊一大個，仲要好酸好有濃檸檬味，屋企開Party必備之甜品！

     
 


Godiva Soft Choc Serve，增肥佳品，見到人地食，自己無得食簡直係折磨，食少啖都對自己唔住，哈哈！

      




近來好鍾意去譽居開餐，尤其個隻油蠟蠟既燒鵝同酸薑皮蛋，仲有叉燒炒飯，蠔油冬菇，味道拍得住正斗但價錢平一半既乾炒牛河，好好味呀！